ਦਿਲ ਦੀ ਸਿਹਤ ਜਾਂਚ (Heart Health Checks)
Select a language: English, (Arabic) العربية , ਪੰਜਾਬੀ (Punjabi) , Tiếng Việt (Vietnamese)
Heart Health Check ਕੀ ਹੈ? ਪੰਜਾਬੀ ਵਿੱਚ ਜਾਣਕਾਰੀ
Heart Health Check ਕੀ ਹੈ?
Heart Health Check ਤੁਹਾਡੇ ਡਾਕਟਰ ਨਾਲ 20 ਮਿੰਟ ਦੀ ਜਾਂਚ ਹੁੰਦੀ ਹੈ।
ਇਹ ਤੁਹਾਨੂੰ ਇਹ ਜਾਣਨ ਵਿੱਚ ਮੱਦਦ ਕਰ ਸਕਦਾ ਹੈ ਕਿ ਅਗਲੇ 5 ਸਾਲਾਂ ਵਿੱਚ ਤੁਹਾਨੂੰ ਦਿਲ ਦਾ ਦੌਰਾ ਪੈਣ ਜਾਂ ਸਟ੍ਰੋਕ ਹੋਣ ਦਾ ਕਿੰਨਾ ਖ਼ਤਰਾ ਹੈ ਅਤੇ ਤੁਸੀਂ ਆਪਣੇ ਦਿਲ ਦੀ ਸੁਰੱਖਿਆ ਲਈ ਕੀ ਕਰ ਸਕਦੇ ਹੋ। ਤੁਹਾਡਾ ਡਾਕਟਰ ਅਤੇ ਨਰਸ ਤੁਹਾਡੇ ਖ਼ਤਰੇ ਨੂੰ ਘਟਾਉਣ ਲਈ ਕਦਮ ਚੁੱਕਣ ਵਿੱਚ ਤੁਹਾਡੀ ਸਹਾਇਤਾ ਕਰ ਸਕਦੇ ਹਨ।
ਤੁਹਾਨੂੰ Heart Health Check ਕਿਉਂ ਕਰਵਾਉਣਾ ਚਾਹੀਦਾ ਹੈ?
ਦਿਲ ਦੀ ਬਿਮਾਰੀ ਆਸਟ੍ਰੇਲੀਆ ਵਿੱਚ ਰਹਿ ਰਹੇ ਲੋਕਾਂ ਲਈ ਮੌਤ ਦਾ ਮੁੱਖ ਕਾਰਨ ਹੈ। ਜੇਕਰ ਤੁਸੀਂ ਆਪਣਾ ਖ਼ਤਰਾ ਜਲਦੀ ਜਾਣ ਲਓ ਅਤੇ ਦਿਲ ਦੀ ਸੁਰੱਖਿਆ ਲਈ ਕਦਮ ਚੁੱਕੋ ਤਾਂ ਬਹੁਤ ਸਾਰੇ ਦਿਲ ਦੇ ਦੌਰੇ ਅਤੇ ਸਟ੍ਰੋਕ ਰੋਕੇ ਜਾ ਸਕਦੇ ਹਨ।
ਸ਼ਾਇਦ ਬਹੁਤ ਸਾਰੇ ਲੋਕਾਂ ਨੂੰ ਆਪਣੇ ਦਿਲ ਦੀ ਬਿਮਾਰੀ ਦੇ ਖ਼ਤਰੇ ਦਾ ਪਤਾ ਵੀ ਨਾ ਹੋਵੇ, ਕਿਉਂਕਿ ਤੁਸੀਂ ਅਕਸਰ ਹਾਈ ਬਲੱਡ ਪ੍ਰੈਸ਼ਰ ਅਤੇ ਵੱਧ ਕੋਲੈਸਟ੍ਰੋਲ ਵਰਗੇ ਖ਼ਤਰੇ ਦੇ ਕਾਰਨਾਂ ਨੂੰ ਮਹਿਸੂਸ ਨਹੀਂ ਕਰ ਸਕਦੇ ਹੋ।
Heart Health Check ਕਿਸਨੂੰ ਕਰਵਾਉਣਾ ਚਾਹੀਦਾ ਹੈ?
ਜੇਕਰ ਤੁਹਾਨੂੰ ਹੁਣ ਤੱਕ ਦਿਲ ਦੀ ਬਿਮਾਰੀ ਨਹੀਂ ਹੈ ਤਾਂ ਆਪਣੇ ਡਾਕਟਰ ਨਾਲ Heart Health Check ਬਾਰੇ ਗੱਲ ਕਰੋ ਜੇਕਰ ਤੁਸੀਂ:
- 45 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਹੋ
- ਸ਼ੂਗਰ ਰੋਗ ਨਾਲ ਜੀਵਨ ਬਤੀਤ ਕਰ ਰਹੇ 35 ਸਾਲ ਅਤੇ ਵੱਧ ਉਮਰ ਦੇ ਵਿਅਕਤੀ ਹੋ
- ਫ਼ਰਸਟ ਨੇਸ਼ਨਜ਼ ਦੇ ਵਿਅਕਤੀ ਹੋ ਅਤੇ 30 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਹੋ
Heart Health Check ਦੌਰਾਨ ਤੁਸੀਂ ਕੀ ਉਮੀਦ ਕਰ ਸਕਦੇ ਹੋ?
Heart Health Check ਦੌਰਾਨ, ਡਾਕਟਰ ਜਾਂ ਨਰਸ ਇਹ ਕਰਨਗੇ:
- ਤੁਹਾਡੇ ਡਾਕਟਰੀ ਅਤੇ ਪਰਿਵਾਰਕ ਇਤਿਹਾਸ ਦੀ ਸਮੀਖਿਆ ਅਤੇ ਅਪਡੇਟ ਕਰਨਗੇ
- ਤੁਹਾਡੇ ਬਲੱਡ ਪ੍ਰੈਸ਼ਰ, ਕੋਲੈਸਟ੍ਰੋਲ ਅਤੇ ਬਲੱਡ ਸ਼ੂਗਰ ਦੇ ਪੱਧਰਾਂ ਦੀ ਜਾਂਚ ਕਰਨਗੇ
- ਸਿਹਤਮੰਦ ਆਦਤਾਂ ਜਿਵੇਂ ਕਿ ਖ਼ੁਰਾਕ ਅਤੇ ਕਸਰਤ ਬਾਰੇ ਗੱਲ ਕਰਨਗੇ
- ਅਗਲੇ ਪੰਜ ਸਾਲਾਂ ਵਿੱਚ ਦਿਲ ਦਾ ਦੌਰਾ ਪੈਣ ਜਾਂ ਸਟ੍ਰੋਕ ਹੋਣ ਦੀ ਤੁਹਾਡੀ ਸੰਭਾਵਨਾ ਦੀ ਗਣਨਾ ਕਰਨਗੇ
- ਖ਼ਤਰਾ ਘਟਾਉਣ ਲਈ ਯੋਜਨਾ ਬਣਾਉਣਗੇ ਜਿਸ ਵਿੱਚ ਜੀਵਨਸ਼ੈਲੀ ਵਿੱਚ ਬਦਲਾਅ ਅਤੇ/ਜਾਂ ਤੁਹਾਡੇ ਲਈ ਸਿਫ਼ਾਰਸ਼ ਕੀਤੀਆਂ ਦਵਾਈਆਂ ਵੀ ਸ਼ਾਮਲ ਹੋ ਸਕਦੀਆਂ ਹਨ।
Heart Health Check ਦੀ ਕੀਮਤ ਕਿੰਨੀ ਹੈ?
Heart Health Checks ਲਈ ਭੁਗਤਾਨ ਮੈਡੀਕੇਅਰ ਦੁਆਰਾ ਕੀਤਾ ਜਾਂਦਾ ਹੈ ਅਤੇ ਉਹਨਾਂ ਕਲੀਨਿਕਾਂ ਵਿੱਚ ਮੁਫ਼ਤ ਹੁੰਦੇ ਹਨ ਜੋ ਇਸ ਸੇਵਾ ਲਈ ਬਲਕ ਬਿੱਲ ਕਰਦੇ ਹਨ। ਆਪਣੀ ਮੁਲਾਕਾਤ ਤੋਂ ਪਹਿਲਾਂ ਆਪਣੇ ਡਾਕਟਰ ਤੋਂ ਆਪਣੀ Heart Health Check ਦੀ ਕੀਮਤ ਬਾਰੇ ਪੁੱਛੋ।
ਤੁਸੀਂ ਆਪਣੇ ਦਿਲ ਦੀ ਸਿਹਤ ਨੂੰ ਬਿਹਤਰ ਬਣਾਉਣ ਲਈ ਹੁਣ ਕੀ ਕਰ ਸਕਦੇ ਹੋ?
ਦਿਲ ਦੇ ਬਹੁਤ ਸਾਰੇ ਦੌਰੇ ਅਤੇ ਸਟ੍ਰੋਕ ਸਿਹਤਮੰਦ ਆਦਤਾਂ ਅਪਣਾ ਕੇ ਰੋਕੇ ਜਾ ਸਕਦੇ ਹਨ, ਜਿਵੇਂ ਕਿ ਦਿਲ-ਲਈ-ਸਿਹਤਮੰਦ ਖਾਣ-ਪੀਣ ਦੀਆਂ ਆਦਤਾਂ ਅਪਣਾ ਕੇ, ਕਿਰਿਆਸ਼ੀਲ ਰਹਿਕੇ, ਸਿਹਤਮੰਦ ਵਜ਼ਨ ਕਾਇਮ ਰੱਖਕੇ, ਸਿਗਰਟਨੋਸ਼ੀ ਤੋਂ ਮੁਕਤ ਰਹਿਕੇ ਜਾਂ ਆਪਣੇ ਜ਼ੋਖਮ ਨੂੰ ਘਟਾਉਣ ਲਈ ਡਾਕਟਰ ਦੁਆਰਾ ਦੱਸੀ ਗਈ ਦਵਾਈ ਲੈ ਕੇ।
ਆਪਣੇ ਦਿਲ ਦੀ ਰੱਖਿਆ ਕਰਨ ਬਾਰੇ ਹੋਰ ਸੁਝਾਵਾਂ ਲਈ, ਹੇਠਾਂ ਦਿੱਤੇ ਸਾਡੇ ‘'ਸਿਹਤਮੰਦ ਦਿ
ਤੁਹਾਡੀ ਭਾਸ਼ਾ ਵਿੱਚ ਦਿਲ ਦੀ ਸਿਹਤ ਸੰਬੰਧੀ ਹੋਰ ਸਰੋਤ
ਆਪਣੀ ਭਾਸ਼ਾ ਵਿੱਚ Heart Foundation ਦੇ ਹੋਰ ਸਰੋਤਾਂ ਲਈ ਇੱਥੇ ਕਲਿੱਕ ਕਰੋ।
Last updated16 November 2025